Janelle & Jaco

 

As daar nou al ooit 'n bruid was wat RELAXED was, dan is dit Janelle!! Sy was die ene rustigheid self! Sy't seker gemaak sy geniet elke oomblik van die dag. Jaco het ook nie teruggestaan nie en homself net so baie geniet saam met sy "manne"!
Enigeen wat hulle vooraf gesien het sou nooit kon raai dat hulle die bruid en bruidegom is nie. Ons het doodluiters grappies gemaak en gesels asof dit 'n lekker "party" was waarheen ons almal oppad was!
Maar WOW, toe sy daar in die kapel instap, het almal maar 'n traan of twee probeer wegknip en Jaco moes maar hard sluk aan daai knop in sy keel!
Ek's maar ook 'n "tjankbalie" as dit by sulke dinge kom - gelukkig kan ek agter my kamera wegkruip!!!!
Dankie vir 'n awesome tyd saam met julle. Dis soos daai liedjie van Mark Knopfler - "my life is like a storybook-story"........ jul troue was behoorlik uit 'n storieboek uit!
Julle is 'n great couple - dankie vir 'n onvergeetlike tyd! x

Natasha & Francois

 

Ek was lanklaas op so 'n interressante ANDERSTE tipe troue! 

Die venue, Baraka Events by die Monkey Sanctuary in Harties, was 'n 'great' keuse en het regtig unieke styl en dekor! Die perfekte plek as jy 'n natuur/dier-liefhebber is soos Natasha en Francois! 

Ek verstaan nou hoekom was Natasha en Francois so opgewonde oor hul troudag. 

Die plek se atmosfeer het soooo bygedra tot die spesiale gevoel van hul klein intieme troue. Dis nie elke dag wat die bruidspaar se gaste met (letterlik) 'n aap op die skoot moet sit nie. 

Daar was tonne vermaak vir al die gaste met die nuuskierige apies - en pasop net vir jou koeldrank..en kamera...en selfoon....en selfs die blomme rangskikkings het deurgeloop.... 

 Natasha het ook tydens die fotosessie kort-kort gestop om een van hulle te vryf en selfs haar ruiker se blomme "op te offer" vir hul middag "snack"! Jul dag was regtig bitter spesiaal en totaal en al anders! Jul het seker gemaak dat jul gaste hulself geniet - daarvan het die hoeveelheid mense op die dansbaan getuig en die hoeveelheid mense wat hulself geniet het by die photo booth ! 

Julle 2 is kosbare mensies wat sommer diep in mens se hart kruip!